(ika-2 labas)

 

DAHIL ayaw niya talagang maabala sa kanyang pupuntahan ay hindi na gaanong inintindi ni Dodong ang dalawang makulit.

 

Kinindatan na lamang niya si teo na parang sinasabing sige payag ako na mamboso kayo basta ‘wag lang kayong maingay ha!Umikot sa kabilang eskinita si Dodong para doon na niya salubungin si Tisay.

 

Natanawan niya kasi ang dalaga na may bitbit na kutsilyo at isang dahon ng saging ng kanyang kinuha sa may likuran ng bahay.

 

Nagpalinga-linga muna kunwari si Dodong at saka biglang hinila sa isang kubling lugar si Tisay.

 

Panay naman ang tanggi ng babae na halatang nagpapakipot lang naman dahil alam naman ng lahat ng mga tagaroon na patay na patay siya kay Dodong.

 

Anino pa nga lang ng binata o kaya ay marinig lang niya ang boses ay talagang kulang na lang ay magkandarapa siya.“Ano’ng oras umalis ang dalawa? Hindi ba nagpaiwan si Dolly diyan sa loob? “ may paninigurong tanong ni Dodong habang lumlakad silang papasok sa loob ng bahay.