SANDRA CAM, PINATAHIMIK PARA DI IKANTA ANG PDAF SCAM NI DRILON

 

PINATAHIMIK daw ang whistle blower na si Sandra Cam para hindi nito ibulgar ang hawak niyang mga dokumento na nagdedetalye sa pagkakasangkot ni Senador Franklin Drilon sa maanomalyang Priority Development Assistance Fund (PDAF), Malampaya fund at Disbursement Acceleration Program (DAP).

 

Base sa hawak ni Cam, si Drilon ang may pinakamalaking kickbacks na nakuha. Gayunman, itinanggi ngayon ng kampo ni Drilon na pinatatahimik niya ang whistle blower.

 

Ayon kay Rey Bantug, ang chief of staff ni Sen. Drilon, walang katotohanan ang alegasyon ni Cam. Dagdag pa niya, hindi rin nakipag-transaksiyon si Sen. Drilon kay Janet Lim-Napoles o kahit sa kaniyang bogus non-government organizations (NGOs).

 

Ang tanging NGO lamang daw na pinaglaanan ng senador ng kaniyang pork barrel ay sa Federation of Filipino Chinese Chamber of Commerce.